La 8-an de oktobro la Ŝtata Administracio de Nutraĵoj kaj Medikamentoj okazigis gazetaran konferencon kaj decidis, ke la administracio daŭre fortigos ekzamenon kaj kontrolon al la medikamentoj por garantii ties sekurecon kaj efikecon de la fonto.

Por tiu ĉi celo Ĉinio jam ellaboris pli ol 80 regularojn kaj pli ol 60 ekzamenajn kriteriojn, kaj laŭpaŝe formis relative perfektan sistemon. Fondiĝis ankaŭ specialista ekzamena grupo konsistanta el pli ol 1200 fakuloj de ĉin-medicinaj drogoj, kemiaj medikamentoj, biologiaj preparaĵoj kaj tiuj el aliaj kampoj, kun la celo garantii aŭtoritatecon kaj ĝustecon de la ekzamenaj konkludoj.