Ĉi-jare en multaj lokoj de Ĉinio la grena produktokvanto pliiĝis, la agrikultura situacio rimarkinde pliboniĝis kaj la enspezo de kamparanoj plialtiĝis.

La Hebei-a Enketa Teamo sub la Ŝtata Statistika Oficejo de Ĉinio informis, ke ĉi-jare la totala grena produktokvanto de Hebei-provinco en norda Ĉinio antaŭvideble superos 29 milionojn da tunoj, je 2.17% pli multe ol tiu de la pasinta jaro. Jiangxi en meza Ĉinio estas grava provinco de rizproduktado, la areo de rizejoj kaj riz-produktokvanto okupas la duan lokon en la tuta lando. Jiangxi-a Agrikultura Departemento informis, ke ĉi-jare ĝia totala produktokvanto de greno antaŭvideble superos 20 milionojn da tunoj.