La 20-an de oktobro la 25-a scienca ekspedicio de Ĉinio el 204 membroj ekveturis, per la ŝipo Neĝdrako, de Ŝanhajo al Antarkto por tie konstrui la ĉinan stacion Kunlun, rekonstrui la stacion Zhongshan kaj plenumi sciencan esploradon al la Antarkta Oceano. Ili revenos al Ŝanhajo en la unua tagdeko de aprilo, 2009. La tuta vojaĝo longos je 24.8 mil marmejloj.

Tiu ĉi scienca esploro okazanta en la kvara Internacia Polusa Jaro celas ĉefe al konstruado de Kunlun, la unua kontinenta sciencesplora stacio sur la glacikupolo A, la plej alta kulmino de kontinenta glacikrusto en Antarkto. Tio estos la tria ĉina stacio en Antarkto post la stacioj Granda Muro kaj Zhongshan. La stacio estos finkonstruita antaǔ la fino de januaro, 2009. Krome la ekspedicio faros 45 esplorojn, inkluzive de astronomia observado, mapado, mezurado pri gravita sondado de la stacio Zhongshan, k.a.