Lastatempe ĉina vicĉefministro Wang Qishan kaj rusa vicĉefministro Sechin kune prezidis en rusa ĉefurbo Moskvo la intervidiĝon de la dulandaj reprezentantoj pri fueloj.

Wang Qishan diris, ke de la kuranta jaro la strategiaj kunlaboraj partneraj rilatoj inter Ĉinio kaj Rusio aktive disvolviĝis kaj la interkomunikado de la dulandaj altranguloj plue sistemiĝis, la efektiva kunlaboro estas antaŭenpuŝata stabile, la komercado kaj reciproka investado senĉese altiĝis. Intensigo de fuela kunlaboro estas tre grava en la strategiaj kunlaboraj partneraj rilatoj inter Ĉinio kaj Rusio kaj alte taksata de la dulandaj ŝtatestroj, kiuj decidis fondi traktadan sistemon pri fueloj inter la du landoj. Tiu sistemo ludos gravan rolon por longtempa kaj stabila kunlaboro de la du landoj en la kampo de fueloj.

Sechin diris, ke la traktada sistemo pri fueloj inter la du landoj decidita de la dulandaj ŝtatestroj antaŭenpuŝos la kunlaboron en la fuela kampo al nova epoko. Post interkonsiliĝo de la dulandaj reprezentantoj, la koncernaj departementoj kaj entreprenoj de la du landoj faris multan laboron, kaj la kunlaboro pli kaj pli intensiĝis. Rusio volas longtempe kunlabori kun Ĉinio en la kampoj de petrolo, natura gaso, elektro kaj nuklea energio.