La 27-an de oktobro Zhou Xiaochuan, estro de la Popola Banko de Ĉinio, diris en Pekino, ke la aliĝo de Ĉinio al la Inter-Amerika Disvolva Banko utilas al profundigo de kunlaboro en financo, komerco, investo, sciencoj kaj tekniko, konformas al iliaj komunaj interesoj kaj estas elekto de reciproka utilo kaj kuna gajno.

Tion li diris dum la intervidiĝo kun sinjoro Luis Alberto Moreno, estro de la Inter-Amerika Disvolva Banko.

La 15-an de oktobro, la konsilio de la banko proklamis akcepti Ĉinion kiel sian novan membrolandon. Ĉinio kontribuos 350 milionojn da usonaj dolaroj al la banko.

Luis Alberto Moreno diris dum la intervidiĝo, ke la aliĝo de Ĉinio al la banko havas gravan signifon por akceli la malriĉeco-redukton de Latin-Ameriko kaj la kariba regiono.