Ambaŭflanke de Taiwan-markolo oni nun aktive sin preparas
por transporti grandajn pandojn Tuantuan kaj Yuanyuan de la ĉeftero
de Ĉinio al Taiwan. La du grandaj pandoj, flegataj de bredistoj,
fartas bone en la Esplora Centro de Pando-protektado en Yaan de
Sichuan-provinco.
Bredistoj konigis, ke la pandoj havas bonan apetiton.
Ili manĝas ĉiutage po 20 kilogramojn da bambuo kaj ankaŭ pomojn,
karotojn kaj furaĝon el bambua pulvoro, maiza pulvoro, sojfaboj
kaj ovoj. La du pandoj pezas 103 kaj 107 kilogramojn respektive,
kio estas tute normala.
Antaǔ nelonge du bredistoj el Taiwan venis al la centro
kaj kontaktiĝis kun la du grandaj pandoj duonmonaton. Bredistoj
el la ĉeftero veturos al Taiwan kaj akompanos la pandojn kelkajn
monatojn por ke ili alkutimiĝu al la nova medio.
|