Salutas siajn subtenantojn Barack Obama (unua maldekstre), usona prezidento, lia edzino Michelle Obama (dua maldekstre) kaj geedzoj Joe Biden (unua dekstre), vicprezidento.

La 5-an de novembro ĉina prezidanto Hu Jintao telegrafe gratulis Barack Obama pro lia elektiĝo kiel nova usona prezidento. En la telegramo li diris: "En la nova historia periodo mi deziras penadi kune kun vi por pliigi dialogon kaj interŝanĝon inter niaj du landoj, akceli la reciprokan konfidon kaj kunlaboron surbaze de la tri Ĉin-Usonaj Komunaj Komunikaĵoj, levi la ĉin-usonajn konstruivajn kunlaborajn rilatojn al nova nivelo favore al niaj dulandaj kaj la tutmondaj popoloj."

Samtage ĉina ĉefministro Wen Jiabao telegrafe gratulis Barack Obama pro lia elektiĝo kiel usona prezidento. Li diris, ke bonaj rilatoj inter Ĉinio kaj Usono estas dezirataj de la dulandaj popoloj kaj estas bezono por protekti pacon, stabilecon kaj prosperon de la azi-pacifika regiono kaj la mondo. Li kredis, ke dank' al komuna penado de la du flankoj, ĉin-usona konstruiva kaj kunlabora rilato certe ricevos novan disvolviĝon.