La 31-an de januaro Wu Bangguo, prezidanto de la Konstanta
Komitato de la Tutlanda Popola Kongreso de Ĉinio, akceptis en Pekino
Erdini Qoigyijabu, Banchen-lamaon la 11-an. Wu adresis gratulon
al Banchen pro la Printempa Festo kaj la Nova Jaro de la tibeta
kalendaro, kaj sendis festan saluton al la budhistoj kaj popolanoj
de Tibeto.
Banchen prezentis hada-on al Wu Bangguo kaj raportis
sian kreskadon post surtroniĝo sankciita de la Ŝtata Konsilantaro
de Ĉinio. Li dankis al la centra registaro kaj la Ŝtata Konsilantaro
pro ilia prizorgo kaj orientado al la Tibeta Aŭtonoma Regiono kaj
koncernaj departementoj.
Wu Bangguo gratulis Banchen pro liaj progresoj en multaj
flankoj. Wu diris, ke post diligenta lernado kaj vizitado en multaj
lokoj de Ĉinio, Banchen pli bone konas la situacion de la ŝtato
kaj larĝigis sian vidkampon kaj sciojn. Pli kaj pli grandiĝis inter
la kredantoj la influo kaj prestiĝo de Banchen, kiel granda viva
budho de la tibeta budhismo.
|