La 14-an de novembro Qin Gang, proparolanto de la Ministerio de Eksteraj Aferoj de Ĉinio, diris, ke Ĉinio firme oponas intervidiĝon inter alilanda gvidanto kaj Dalai-lamao en ia ajn formo.

Raporto diras, ke franca prezidento Nicolas Sarkozy proklamis lastatempe, ke li intervidiĝos kun Dalai-lamao la 6-an de decembro, kiam li ĉeestos festadon de la 25-jara Nobel-premiitiĝo de pola eks-prezidento Lech Walesa.

Qin diris ankaŭ, ke la rilatoj inter Ĉinio kaj Francio kaj tiuj inter Ĉinio kaj Eŭropo tenas la tendencon de pliboniĝo kaj disvolviĝo. La situacio devas esti alte taksata pro tio, ke ĝi estas malfacile akirita. Ĉinio postulas, ke konsiderante la ĝeneralan situacion, la franca flanko daŭre tenu la principon pri unu Ĉinio, rigore plenumu sian promeson, efektive alte atentu la gravan zorgon de la ĉina flanko, racie traktu koncernajn problemojn kaj akcelu stabilan disvolviĝon de la rilatoj inter Ĉinio kaj Francio kaj tiuj inter Ĉinio kaj Eŭropo.