La 17-an de novembro, demandite pri partopreno de Ĉinio al la Internacia Sekureca Asista Forto (ISAF) en Afganio, Qin Gang, proparolanto de la Ministerio de Eksteraj Aferoj de Ĉinio, diris en la gazetara konferenco, ke la ĉina registaro ĉiam subtenas klopodon de la afganaj registaro kaj popolo por konservi stabilecon, disvolvi ekonomion kaj rekonstrui pacon. La starpunkto de Ĉinio pri afgana problemo neniom ŝanĝiĝis. Krom al la packonservaj agadoj sankciitaj de la Sekureca Konsilio de UN, Ĉinio sendis neniun soldaton al iu ajn loko eksterlande, kaj ne ekzistas la tiel nomata problemo pri aliĝo de la ĉina armeo al ISAF en Afganio.