La 19-an de novembro la Administracio de Manĝaĵoj kaj Medikamentoj de Usono fondis sian unuan oficejon en Pekino, kaj en la venontaj tagoj ĝi fondos tiajn oficejojn ankaŭ en Ŝanhajo kaj Kantono, ĉefurbo de Guangdong-provinco en suda Ĉinio. En la simpozio de Ĉinio kaj Usono pri manĝaĵ-sekureca politiko okazinta en la 18-a de novembro, Chen Zhu, ministro de sano de Ĉinio, diris, ke Ĉinio ankaŭ planas establi en Usono egalajn instituciojn pri la manĝaĵa kaj medikamenta sekureco.

Chen Zhu esperas, ke tiuj rimedoj ludos bonan rolon por interkomunikado de la du registaroj kaj koncernaj kontrolaj institucioj kaj liveros ŝancon por lerni unu de la alia kaj sin kompreni reciproke.

Nun Ĉinio alprenas rimedojn por intensigi kontrolon de la manĝaĵa sekureco. Oni faras preparon por fondi specialan ŝtatan ekzamenan kaj taksan institucion pri manĝaĵa sekureco, leĝan komisionon pri manĝaĵoj kaj aliajn koncernajn instituciojn de la lando.