La 18-an de novembro laŭ la havana tempo ĉina prezidanto Hu Jintao faris interparolon kun prezidanto de la Kuba Ŝtata Konsilio kaj tiu de la Konsilio de Ministroj Raul Castro Ruz kaj vizitis la unuan sekretarion de la Centra Komitato de la Komunista Partio de Kubo Fidel Alejandro Castro Ruz.

En sia interparolo kun Raul Castro Ruz, Hu Jintao elmetis kvar proponojn pri intimigo de la politikaj rilatoj, profundigo de la ekonomia kaj komerca interŝanĝo, plivastigo de la kultura kaj socia interfluo kaj fortigo de la plurflanka kunlaboro por disvolvi la dulandajn rilatojn. Raul Castro Ruz laŭdis la takson de Hu Jintao pri la dulandaj rilatoj kaj la proponojn por disvolvi la duflankajn rilatojn. Li esprimis atendon de plua profundigo de la duflanka kunlaboro en diversaj kampoj.

En sia vizito al Fidel Alejandro Castro Ruz, Hu Jintao emfazis, ke la ĉina popolo kiel antaŭe subtenos la kuban popolon en ĝia justa batalo por ŝtata suvereneco kaj kontraŭ ekstera interveno, laŭeble liveros helpon al Kubo kaj firme subtenos konstruan aferon de kuba socialismo.