La 24-an de novembro inaŭguriĝis en Londono kunveno por resumi la Pekinajn Olimpikojn organizita de la Internacia Olimpika Komitato (IOK). La kunvenon ĉeestis Jacques Rogge, prezidanto de IOK, Liu Jingmin, vicurbestro de Pekino kaj plenuma vicprezidanto de la Organiza Komitato de la Pekinaj Olimpikoj (OKPO), Boris Johnson, urbestro de Londono kaj Sebastian Coe, prezidanto de la Organiza Komitato de la Londonaj Olimpikoj (OKLO) en 2012.

En la inaŭguro estis prezentita la aktualaĵa filmo pri la Pekinaj Olimpikoj. Jacques Rogge diris en sia parolo, ke li ĉiam dankas al Pekino pro ĝia organizado de "vere nekompareblaj Olimpikoj". Li diris: "La Pekinaj Olimpikoj kaj la Pekinaj Handikapulaj Olimpikoj estas grava mejloŝtono en la historio de la Olimpikoj kaj donis profund-influan heredaĵon al Pekino, al Ĉinio kaj al la Olimpikoj. OKPO dividos kun ni sian sperton, tio helpos al ni koni esencon por sukcese organizi la Olimpikojn."

En la 4-taga kunveno OKPO konigos sian sperton al la gastigantaj urboj de la venontaj someraj kaj vintraj Olimpikoj. La kunvenon ĉeestis ĉirkaŭ 400 homoj el IOK, OKLO, la Organiza Komitato de la Vankuveraj Vintraj Olimpikoj en 2010 kaj la Sochi-aj Vintraj Olimpikoj en 2014 kaj aliaj koncernaj personoj.