La 2-an de decembro telefone interparolis Wang Qishan, speciala delegito de ĉina prezidanto Hu Jintao kaj ĉina vicĉefministro, kaj Henry Paulson, speciala delegito de usona prezidento George W. Bush kaj usona financa ministro. Ili interŝanĝis opiniojn pri la baldaǔ okazonta en Pekino la Kvina Strategia Dialogo pri Ekonomio inter Ĉinio kaj Usono, inkluzive de plifortigo de kunlaboro de la du landoj por kune alfronti la mondan financan krizon, antaǔenpuŝo de la Daǔha Intertraktado kaj opono kontraǔ tutmonda protektismo.

Ambaŭ flankoj alte taksis la fruktojn de la dialogoj kaj esprimis deziron serioze efektivigi la komunajn konojn de la dulandaj gvidantoj, bone plenumi preparajn laborojn por garantii sukceson de la kvina dialogo, kaj antaǔenpuŝi la ekonomiajn kaj komercajn rilatojn inter Ĉinio kaj Usono kaj la konstruivan kunlaboron de la du landoj.

La Kvina Strategia Dialogo pri Ekonomio inter Ĉinio kaj Usono okazos en la unua tagdeko de decembro en Pekino.