La 2-an de decembro proparolanto Liu Jianchao diris
en la regula gazetara konferenco okazigita de la Ministerio de Eksteraj
Aferoj de Ĉinio, ke Ĉinio alte taksas la rilatojn inter Ĉinio kaj
Francio, tiujn inter Ĉinio kaj la Eŭropa Unio kaj reciproke utilan
kunlaboron sur diversaj kampoj. La du flankoj devas daŭre teni ĝustan
konduton en la duflankaj interrilatoj, antaŭenpuŝi kunlaborojn sur
diversaj kampoj al disvolvo sana kaj stabila, tial Ĉinio esperas,
ke koncerna lando kreos bonajn kondiĉojn por tio, kaj la ĉina popolo
aplombe traktos la rilatojn inter Ĉinio kaj Francio kaj tiujn inter
Ĉinio kaj la Eŭropa Unio.
Liu Jianchao diris ankaŭ, ke Ĉinio jam klare montris
sian starpunkton pri intervidiĝo de la franca prezidento, deĵoranta
prezidanto de la Konsilio de la Eŭropa Unio, kun Dalai-lamao. Ĉinio
esperas, ke Francio alprenos efektivajn rimedojn por krei bonajn
etoson kaj kondiĉojn por intervidiĝo de la gvidantoj de Ĉinio kaj
Eŭropa Unio. Francio estas klara pri la starpunkto de Ĉinio kaj
ĝia serioza prizorgo pri la tibeta problemo, tial nun estas la tempo,
ke Francio faru sian elekton.
|