Antaŭtagmeze de la 4-a de decembro okazis en Pekino la 5-a Strategia Ekonomia Dialogo inter Ĉinio kaj Usono. Ĉina vicĉefministro Wang Qishan kaj usona financa ministro Henry Paulson ĉeestis la dialogon kiel speciala delegito de sia ŝtatestro.

2 tagojn daŭros tiu ĉi dialogo kun la temo "meti fundamenton por longtempa ekonomia partnera interrilato de Ĉinio kaj Usono". Intertempe oni diskutos pri administrado de makroekonomia risko, plifortigo de kunlaboro en fueloj kaj medio, alfronto al komercada defio, akcelo de malferma investa medio kaj antaŭenpuŝo de internacia ekonomia kunlaboro.

Tio estas strategia dialogo en ekonomia kampo inter la plej granda evoluanta lando kaj la plej granda evoluinta lando. Post kiam oni komencis tiun dialogon en 2006, la du flankoj jam akiris ĉ. 150 fruktojn, inkluzive de financa malfermo, investa faciligo, protektado de intelekta proprieto, kunlaboro en fueloj kaj medio, klimata ŝanĝiĝo, produktaĵa kvalito, manĝaĵa sekureco k.a.