De la 8-a ĝis la 10-a de decembro okazis en Pekino la jara centra ekonomia konferenco. Pro la serioza internacia financa krizo kaj rapida malkresko de la enlanda ekonomia disvolviĝo, "garantio kaj akcelo de ekonomia kresko" fariĝis la ĉi-jara konferenca temo.

La konferenco difinis, ke oni devas praktiki viglan kaj konsidereman makroskopan politikon, kaj garantii stabilecon kaj rapidecon de ekonomia kresko surbaze de grandigo de la enlanda bezonado. La konferenco elmontris gravajn taskojn de la laboro pri ekonomio en la venonta jaro: unue, fortigi kaj bonigi makroreguligon, realigi aktivan politikon pri financo, konvenan kaj malstreĉan politikon pri mono; due, solidigi kaj disvolvi bonan tendencon de la agrikultura kaj vilaĝa ekonomio por garantii efikan provizadon de agrikulturaĵoj kaj pliigi enspezon de la kamparanoj; trie, rapidigi ŝanĝiĝon de disvolva maniero kaj akceli strategian reguligon de la ekonomia strukturo; kvare, profundigi reformadon kaj pordo-malfermon kaj perfektigi la sistemon favoran al scienca disvolviĝo; kvine, plenforte solvi fokusajn kaj malfacilajn problemojn koncernajn al interesoj de popolanoj kaj efike defendi la socian stabilecon.