Vespere de la 11-a de decembro finiĝis en Pekino la
4-taga kunveno de delegaci-estroj de la Sesflanka Intertraktado
pri Nuklea Problemo de la Korea Duoninsulo. La kunveno publikigis
deklaron de prezidanto. Ĉiuj flankoj konsentis kiel eble plej baldaǔ
okazigi la venontan kunvenon.
Wu Dawei, estro de la ĉina delegacio kaj vicministro
de la eksteraj aferoj de Ĉinio, voĉlegis la deklaron de prezidanto.
La deklaro diras, ke la ĉeestantoj faris seriozan, sinceran, profundan
kaj konstruivan diskuton pri efektivigo de la duaperioda agado,
konfirmo pri sennukleo sur la Korea Duoninsulo kaj la gvida principo
pri paco kaj sekureco de la nordorienta Azio.
Konfirmo pri la nuklea programo de la Korea Popol-Demokratia
Respubliko estis unu el la fokusoj de la kunveno. Pri tiu problemo
la deklaro diras, ke ĉiuj flankoj taksis la progresojn en la komunaj
konoj pri konfirmo pri reguloj kaj bonvenigos la Internacian Atom-energian
Agentejon liveri helpon kaj konsulton dum la konfirmado.
La ĉeestantoj konsentis, ke laǔ la Dokumento de la
Tria de Oktobro samtempe kun senfunkciigo de la nukleaj ekipaĵoj
en Yongbyon, oni liveras al la Korea Popol-Demokratia Respubliko
ekonomian helpon egalan al miliono da tunoj da mazuto. Ili bonvenigas
la internacian socion partopreni en la helpado al la Korea Popol-Demokratia
Respubliko.
|