La 13-an de decembro okazis kunveno de gvidantoj de Ĉinio, Japanio kaj la Korea Respubliko en Fukuoka, Japanio. Ĉina ĉefministro Wen Jiabao, japana ĉefministro Taro Aso kaj prezidento de la Korea Respubliko Lee Myung-bak partoprenis la kunvenon, kiun prezidis Taro Aso. La gvidantoj de la tri landoj alte taksis la progreson de la trilandaj kunlaboroj, difinis la orienton de la estontaj kunlaboroj, faris novajn proponojn por kunlaboro, kaj interŝanĝis opiniojn kaj atingis komunajn konojn pri internacia financa krizo kaj komune zorgataj regionaj kaj internaciaj problemoj.

Wen Jiabao diris, ke la kunlaboroj inter la tri landoj daǔris naǔ jarojn kaj akiris pozitivajn atingojn. La politika reciprok-fido de la tri landoj pli kaj pli profundiĝis, ilia kunlabora mekanismo pliboniĝis, skalo de pragmataj kunlaboroj pligrandiĝis, kaj regionaj kaj internaciaj plur-flankaj kunlaboroj plifortiĝis. La kunlaboroj inter la tri landoj alportis al la trilandaj popoloj efektivajn interesojn kaj faris kontribuojn al la stabileco kaj disvolviĝo de la regiono. Ĉinio estas fidoplena pri la perspektivo de la trilanda kunlaboro.

Post la kunveno la trilandaj gvidantoj subskribis la Komunan Deklaron pri Partneraj Rilatoj inter la Tri Landoj, publikigis la Komunan Deklaron pri Internaciaj Financaj kaj Ekonomiaj Problemoj, la Komunan Deklaron pri Kontraǔ-katastrofa Administrado de la Tri Landoj, la Agadan Planon pri Kunlaboroj inter Ĉinio, Japanio kaj la Korea Respubliko. Ili ankaǔ intervidiĝis kun reprezentantoj de infanoj kaj junuloj de la tri landoj.