La 18-an de decembro Liu Jianchao, proparolanto de la Ministerio de Eksteraj Aferoj de Ĉinio, diris, ke Ĉinio konsideras sendi militŝipojn al la Adena Golfo kaj al la somalia maro por eskortado. Nun la koncerna aranĝo estas en preparado.

Liu Jianchao diris ankaŭ, ke de longa tempo, precipe de la kuranta jaro, ofte okazis surprizatakoj de somaliaj piratoj al preterpasantaj ŝipoj, tio ja fariĝis granda minaco al internacia nacigacio kaj surmaraj komercado kaj sekureco.

Liu Jianchao informis, ke de januaro ĝis novembro, 1265 ŝipoj de Ĉinio veturis laŭ tiu vojo, kaj 20% el ili estis atakitaj de la piratoj. Lastatempe UN jam pasigis kelkajn decidojn kaj rajtigis al diversaj landoj alpreni rimedojn por batali kontraŭ somaliaj piratoj laŭ la Ĉarto de UN. Ankaŭ la transira registaro de Somalio alvokis, ke diversaj landoj eniru ĝian teritorian maron por bati piratojn. Ĉinio aprobas efikan kunlaboron de la internacia socio pri batado kontraŭ somaliaj piratoj kaj subtenas la agadon de koncernaj landoj sendi militŝipojn por bati la somaliajn piratojn laŭ la internaciaj leĝoj kaj la rezolucio de la Sekureca Konsilio de UN.