La 20-an de decembro okazis en Pekino kunveno por celebri la 50-jariĝon de la Ĉina Centra Televidstacio (ĈCTV). Ĉina prezidanto Hu Jintao sendis gratulan leteron.

Li diris en la letero, ke la Ĉina Centra Televidstacio estas grava amaskomunikilo de la ŝtato kaj grava fenestro por ke Ĉinio konu la mondon kaj la mondo konu Ĉinion.

Li esperas, ke la laborantoj de la televidstacio konstruos la televidstacion en internacie unuaklasan komunikilon kun progresintaj teknikoj, granda kvanto de informoj, vasta kovriteco kaj forta influo kaj pli multe kontribuos por altigi la nacian kulturan forton kaj ĉiuflanke konstrui bonhavan socion.