La 25-an de decembro Bai Jinming de la Agrikultura
Ministerio de Ĉinio diris en la "Altranga Forumo pri Edukado
al Ĉinaj Kamparanoj", ke ĝis la fino de la kuranta jaro, la
centra registaro de Ĉinio jam investis 4.05 miliardojn da juanoj
(ĉ. 7 juanoj = 1 usona dolaro) por trejni pli ol 20 milionojn da
kamparanoj. Samtempe, lokaj registaroj investis pli ol 3 miliardojn
da juanoj por trejni pli ol 30 milionojn da kamparanoj.
Li diris ankaŭ, ke laŭ nova situacio de ekonomia disvolviĝo
en la kamparo, la registaro reguligos siajn laborojn, bone faros
teknologian trejnadon al kamparanoj por kulturi el ili junajn kaj
kapablajn personojn kun klereco kaj moderna koncepto, konforme al
daŭrigebla disvolviĝo de la agrikulturo.
|