La 5-an de marto inaŭguriĝos en Pekino la 1-a Sesio de la 11-a Tutlanda Popola Kongreso de Ĉinio (TPK), kaj la 3-an de marto la 1-a Sesio de la 11-a Tutlanda Komitato de la Ĉina Popola Politika Interkonsiliĝa Konferenco (ĈPPIK). La informejo de la du sesioj jam ekfunkciis en la 26-a de februaro kaj komencis akcepti kaj aranĝi intervjuon de ĉinaj kaj alilandaj raportistoj.

Tri fakoj sub la informejo -- fako por raportistoj el la ĉina landinterno, fako por tiuj el Hongkong, Makao kaj Taiwan kaj fako por tiuj el fremdaj landoj -- servas al la raportistoj intervjuantaj TPK kaj ĈPPIK. Ĝis nun pli ol 2800 ĉinaj kaj fremdlandaj raportistoj sin anoncis por intervjui la du sesiojn. Tiuj, kiuj volas intervjui la du sesiojn, devas plenumi formalaĵojn antaŭ la 5-a de marto.

Dum la sesioj la informejo senpage liveros al la raportistoj ĉinaj kaj fremdlandaj freŝdatajn bildojn, koncernajn signalojn por televido kaj radio, kaj interreton.