Invitite de la ĉina registaro, 1000 membroj de la Japana
Junula Amika Delegacio sinsekve atingis Ĉinion kaj komencis sian
viziton al Ŝanhajo, Chongqing kaj Dalian de Ĉinio. En la 15-a de
marto ili ĉeestos la inaŭguron de la "Jaro de Ĉina-Japana Junula
Amika Reciprokado" en Pekino.
Por memorigi la 30-jariĝon de la "Ĉina-Japana Paca
kaj Amika Pakto" kaj plue akceli plibonigon kaj disvolvon de
la rilatoj inter Ĉinio kaj Japanio, Ĉinio kaj Japanio prenis la
jaron 2008 kiel "Jaron de Ĉina-Japana Junula Amika Reciprokado".
Tio estas grava aktivado de reciprokado post la "Jaro de Kultura
kaj Sporta Reciprokado inter Ĉinio kaj Japanio" en 2007 kaj
aktivado memore al la 35-jariĝo de la normaligo de la diplomatiaj
rilatoj inter Ĉinio kaj Japanio. La celoj de tiu ĉi aktivado estas
akceli amikecon de la du popoloj kaj kulturi daŭrigantojn de amikaj
aferoj de la du landoj.
La delegacio konsistas el 500 lernantoj el superaj mezlernejoj,
200 studentoj kaj 300 junaj reprezentantoj de diversaj kampoj inkluzive
de parlamentanoj, ŝtatoficistoj kaj ĵurnalistoj.
|