La 12-an de marto inaŭguriĝis en Pekino la 1-a dialogo inter superaj nacidefendaj erudiciuloj de Ĉinio kaj la Asocio de Sudorient-Aziaj Landoj (ASAL).

Tiu ĉi dialogo estas okazigita por efektivigi koncernan proponon elmetitan de la ĉina ĉefministro Wen Jiabao novembre de 2007 en kunveno de gvidantoj de orient-aziaj landoj. Pli ol 20 nacidefendaj specialistoj kaj militaj ataŝeoj de 10 membrolandoj de la asocio interkonsiliĝas kun specialistoj de la Ĉina Popola Liberiga Armeo pri la temo de armea modernigo kaj reciproka fido de la regiono.

La 3-taga dialogo estas tenata sub la aŭspicioj de la Akademio de Militaj Sciencoj de la Ĉina Popola Liberiga Armeo.