Aktualajhoj Unua paĝo >> Aktualaĵoj

Inaŭguriĝis "Jaro por Amikeco inter Ĉinio kaj Korea Popoldemokratia Respubliko"

Vespere de la 18-a de marto inaŭguriĝis en Pekino "Jaro por Amikeco inter Ĉinio kaj Korea Popoldemokratia Respubliko". La inaŭguron ĉeestis ĉina ĉefministro Wen Jiabao kaj ĉefministro de la Korea Popoldemokratia Respubliko Kim Yong Il. Ili esprimis en sia parolo la volon plue antaǔenpuŝi la tradician amikecon inter la du landoj. Ĉi-jare estas la 60-jariĝo de starigo de diplomatiaj rilatoj inter Ĉinio kaj la Korea Popoldemokratia Respubliko. En la 1-a de januaro ĉi-jare la plej altaj gvidantoj de la du landoj Hu Jintao kaj Kim Jong Il reciproke sendis gratulajn telegramojn kaj kune anoncis komencon de la "Jaro por Amikeco inter Ĉinio kaj Korea Popoldemokratia Respubliko".

En la jaro la du flankoj okazigos pli ol 60 aktivadojn en la kampoj politika, ekonomia, kultura, sporta, sciencteknika kaj eduka. Diversaj interŝanĝaj aktivadoj okazos ĉiumonate, inkluzive de prezentado de artensembloj, memor-ekspozicio kaj filmo-semajno. La aktivado "Jaro por Amikeco inter Ĉinio kaj Korea Popoldemokratia Respubliko" celas firmigi amikecon, profundigi interŝanĝon kaj kunlaboron, kaj kune krei belan estontecon.

La dulandaj ĉefministroj kaj pli ol du mil personoj spektis la brilan prezentadon de pli ol du cent artistoj el la du landoj.