La 27-an de marto la organiza komitato de la Ĉina Ningxia-a Internacia Investa kaj Komerca Foiro anoncis en gazetara konferenco en Pekino, ke la foiro, okazigota de la Ministerio de Komerco de Ĉinio, Ĉina Konsilio por Akcelo de Internacia Komerco kaj la registaro de la Ningxia-a Huj-nacia Aǔtonoma Regiono, malfermiĝos en aǔgusto, 2009 en Yinchuan, ĉefurbo de Ningxia.

Ningxia, troviĝanta en la okcidenta parto de Ĉinio, kun 6.18 milionoj da loĝantoj, kies 36% estas huj-oj, estas la plej granda kolonio de hujoj en Ĉinio. La foiro estos grava ponto por intensigi kunlaborojn inter Ningxia kaj orienta kaj okcidenta Ĉinio, kaj internaciajn kunlaborojn. Dume okazos la Kvara Ĉina Ningxia-a Internacia Foiro de Islamaj Manĝaĵoj kaj Ĉiutagaj Vivbezonaĵoj, la Dua Foiro de Huj-aj Komercistoj, kaj Simpozio pri Ekonomia kaj Komerca Kunlaboroj inter Ningxia kaj Arabaj Landoj.