La 7-an de aprilo sinjorino Margaret Chan, ĝenerala direktoro de la Monda Sana Organizo, diris en Pekino, ke la klopodo de la ĉina registaro por projekto de la nova reformado de medicina servo estas laŭdinda.

En la 6-a de tiu ĉi monato Ĉinio publikigis projekton de la nova reformado de la medicina servo. La ĉina registaro promesis pliigi sian respondecon en sistemo de la baza medicina servo kaj senĉese pligrandigi la monasignon por ke ĉiu ĝuu la bazan medicinan servon.

Margaret Chan diris en la gazetara konferenco, ke la reformado de la medicina servo estas tre malfacila procezo; en diversaj lokoj de la mondo ekzistas neniu absolute senpaga kuracado; la ĉina projekto pri la nova reformado de la medicina servo akcentas la justecon kaj substrekas la helpon al malriĉaj homoj; tio estas akorda kun la rekomendo kaj iniciato de la Monda Sana Organizo.