La 8-an de aprilo ĉina prezidanto Hu Jintao intervidiĝis en Pekino kun venezuela prezidanto Hugo Chavez Frias, kiu faras laboran viziton al Ĉinio. Ili profunde interŝanĝis opiniojn pri la rilatoj inter la du landoj kaj pri aliaj aferoj kune atentataj, kaj atingis gravan komunan komprenon.

Hu Jintao diris, ke nun la interrilatoj de la du landoj antaŭeniras kun bona tendenco. Oftas komunikado de ŝtatgvidantoj de la du landoj, tio tre favoras al la profunda kaj kompleta disvolviĝo de iliaj interrilatoj. La komercado kaj kunlaboro de ekonomio kaj teknologio akiris novajn fruktojn, kelkaj gravaj projektoj progresas glate. La du landoj tenas intiman komunikadon kaj akordigon en internacia kaj regiona aferoj, pri tio Ĉinio kontentas.

Hugo Chavez Frias diris, ke la du popoloj havas bonan amikecon. Nun la dulandaj interrilatoj rapide disvolviĝas kaj jam akiris novan progreson en diversaj kampoj, kiaj fuelo, agrikulturo, industrio, sciencoj kaj teknologioj. La sukcesa lanĉado kaj uzado de la unua telekomunika satelito de Venezuelo multe ĝojigis la venezuelan popolon. Nun la monda ordo estas en grava ŝanĝiĝo, kaj la ekonomia krizo disvastiĝas; Ĉinio ludas gravan rolon pozitivan por ke la mondo liberiĝu el la krizo; Venezuelo volontas plifortigi sian kunlaboron kun Ĉinio en la nova situacio por kune respondi al la defio de la financa krizo.