La 8-an de aprilo Ĉinio decidis, ke Ŝanhajo kaj aliaj 4 urboj de la provinco Guangdong provu reguligi konton per juanoj en la translanda komercado. Ĉinaj koncernaj specialistoj opinias, ke tio estas konkreta rimedo de Ĉinio kontraŭ la financa krizo kaj helpas al Ĉinio kaj al ĝiaj komercaj partneroj redukti la produktan koston kaj eviti kurzo-riskon.

Mei Xinyu, vicesploristo de la instituto pri internacia komerco kaj ekonomia kunlaboro sub la Komerca Ministerio de Ĉinio, diris, ke jam en la 90-aj jaroj de la lasta jarcento Ĉinio komencis reguligi kontojn per juanoj en komercado ĉe la landlimo kun najbaraj landoj, kaj nun la provo en Ŝanhajo kaj aliaj 4 urboj de la provinco Guangdong markas, ke la reguligo de kontoj per juanoj etendiĝas de la komercado ĉe landlimo al la ordinara komercado internacia.