La 13-an de aprilo la Ŝtata Konsilantaro de Ĉinio rajtigis sian informan oficejon publikigi la "Ŝtatan Agadplanon pri Homaj Rajtoj 2009-2010". Ĝi, la unua ŝtata plano de Ĉinio pri homaj rajtoj, difinis la celon kaj konkretajn rimedojn de la ĉina registaro por akceli kaj protekti homajn rajtojn en la venontaj du jaroj.

La agadplano konsistas el ses partoj: enkonduko; garantio de rajtoj en ekonomio, socio kaj kulturo; garantio de rajtoj civitana kaj politika; garantio de rajtoj de naciminoritatoj, virinoj, infanoj, maljunuloj kaj handikapuloj; edukado pri homaj rajtoj; kaj plenumado de internaciaj devoj pri homaj rajtoj kaj internaciaj interŝanĝoj kaj kunlaboroj en kampo de homaj rajtoj.