Post altrangulaj dialogoj kaj diskutoj en tri tagoj, en la 19-a de aprilo, 2009, fermiĝis jarkunveno de la Azia Forumo en Boao, Hainan-provinco.

La temo de la forumo estis "Ekonomia krizo kaj Azio: defio kaj perspektivo". Oni diskutis pri la internacia financa krizo kaj ĝiaj kontraŭrimedoj, rolo de leviĝantaj ekonomiaj unuoj en la reformado de la internacia financa sistemo, kontraŭrimedoj al la internaciaj komerca kaj investa protektismo, traktado de preza ŝanĝiĝo de fueloj kaj krudaj materialoj. Krome, estis atentitaj ankaŭ strategio de entreprenoj en novaj merkatoj; talentuloj, kapitalo-kolektado kaj disvolva strategio de mez- kaj malgrandaj entreprenoj; “verda nova komercado” kaj “verda ekonomio”.

Ĉina ĉefministro Wen Jiabao faris parolon kun la temo “Plifortigi konfidon kaj profundigi kunlaboron por komuna gajno” en la inaŭguro. Parolis ankaǔ ŝtatestroj kaj registaraj ĉefoj de Kazaĥio, Pakistano, Vjetnamio, Mongolio, Nov-Zelando kaj Irano.

Ĉeestis la ĉi-jaran forumon pli ol 1600 gravaj politikistoj, gvidantoj de industriaj kaj komercaj rondoj, fakuloj, erudiciuloj kaj ĵurnalistoj.

La Dua Internacia Kapitala Pintkunveno de la forumo okazos en la 15-16-a de septembro en la Centra Halo Westminster, Londono.