Hugo Chavez (maldekstre antaǔe) kaj Yuan Jiajun (meze antaǔe) rigardas la modelojn de la satelito kaj ĝia porta raketo.

La Aerospaca Scienc-teknologia Grupo de Ĉinio transdonis al Venezuelo telekomunikan sateliton n-ro unu kaj koncernajn kibernetikajn sistemojn. Tio signifas, ke Ĉinio realigis eksporton de kompleta satelito al Venezuelo.

En la transdona ceremonio Yuan Jiajun, vicĝenerala direktoro de la Aerospaca Scienc-teknologia Grupo de Ĉinio, diris, ke la projekto estas la unua kunlaboro sur la aerospaca kampo de Ĉinio kaj Venezuelo, kaj refoja praktikado de Ĉinio por paca uzo de aerospaca teknologio. Tio skribis novan ĉapitron por interŝanĝoj de politiko, ekonomio kaj kulturo inter la du landoj.

Venezuela prezidento Hugo Chavez diris en la ceremonio, ke dank' al helpo de Ĉinio Venezuelo ekhavis sian unuan sateliton, kaj Venezuelo multe dankas Ĉinion. La satelito funkcios por telekomunikado, disaǔdigo, longdistancaj edukado kaj kuracado, favoros al malproksimaj regionoj, kaj antaǔenpuŝos la socian progreson kaj ekonomian disvolviĝon.