La 24-an de aprilo en Pekino intervidiĝante kun Bernard Accoyer, prezidanto de franca Nacia Asembleo, ĉina prezidanto Hu Jintao diris, ke Ĉinio volas kune kun Francio lerni sperton el la historio, plenumi komunajn konojn kaj aktive akceli sanan kaj stabilan disvolvon de la dulandaj rilatoj.

Hu Jintao diris, ke la ĉina registaro ĉiam multe atentas la dulandajn rilatojn. Ĉi-jare estas la 45-jara jubileo de la establiĝo de diplomatiaj rilatoj inter Ĉinio kaj Francio. En la lastaj 45 jaroj la dulandaj rilatoj multe disvolviĝis kaj estigis profundan influon al internacia strategia stato. Li diris, ke la ĉina registaro subtenas la dulandajn leĝdonajn konstituciojn por intensigi interŝanĝon, profundigi amikecon kaj akceli kunlaboron.

Bernard Accoyer diris, ke Francio multe atentas siajn rilatojn kun Ĉinio kaj volas fortigi praktikan kunlaboron kaj solidigi dulandajn kompletajn strategiajn partnerajn rilatojn.