Aktualajhoj Unua paĝo >> Aktualaĵoj

Komenciĝis agadplano pri konstruado de senbara inform-aliro por ĉinaj handikapuloj

La 12-an de januaro la Ministerio de Scienco kaj Teknologio de Ĉinio kaj la Ĉina Federacio de Handikapuloj kune okazigis ceremonion en la urbo Hangzhou de Zhejiang-provinco por komenci agadplanon pri konstruado de senbara inform-aliro por ĉinaj handikapuloj kaj por starigi la Centron de Senbaraj Inform-aliro kaj Teknologio por Ĉinaj Handikapuloj.

Wang Xinxian, prezidanto de konsilantaro de la Ĉina Federacio de Handikapuloj, diris, ke troviĝas en Ĉinio 80 milionoj da handikapuloj, kiuj konsistigas pli ol 6% de la totala loĝantaro de Ĉinio. La plano mobilizos kaj organizos scienc-teknologiajn fortojn kaj informojn de la tuta lando por formi apogan sistemon de senbara inform-aliro.

Kiel unu el la gravaj programoj de la agadplano, la studo de ŝlosila teknologio por la sistemo estas enlistigita en la ĉefajn programojn de la ŝtata plano. Ĝi kun investo de 150 milionoj da juanoj estos plenumita en tri jaroj.