La 13-an de majo, kun rusa prezidento Dmitri Medvedev intervidiĝis en Kremlo Wu Bangguo, prezidanto de la Konstanta Komitato de la Ĉina Tutlanda Popola Kongreso, dum sia oficiala amika vizito al Rusio.

Wu Bangguo unue transdonis saluton de prezidanto Hu Jintao al Dmitri Medvedev, kaj Dmitri Medvedev esprimis dankon kaj petis Wu Bangguo transdoni sian bondeziron al Hu Jintao.

Wu Bangguo diris, ke Ĉinio kaj Rusio estas grandaj najbaroj kaj gravaj strategiaj partneroj, kaj longdaǔra amikeco inter la du landoj estas la komuna deziro de la du popoloj. Disvolvi rilatojn kun Rusio estas la difinita politiko de la ĉina registaro. En la nuna internacia situacio aparte gravas profundigo de la strategiaj kunlaboraj rilatoj inter Ĉinio kaj Rusio.

Dmitri Medvedev diris, ke Rusio alte taksas la rilatojn kun Ĉinio, atentas fortigi interŝanĝojn kaj kunlaborojn inter la du kongresoj, volas plue profundigi strategian konfidon kun Ĉinio, fortigi ĉiuflankan kunlaboron en la kampoj de fuelo, ekonomio kaj komerco, intimigi kunlaboron en internaciaj aferoj.

Wu Bangguo dankis Rusion pro ĝia konstanta starpunkto pri la aferoj de Taiwan kaj Tibeto. Medvedev diris, ke Rusio daǔre persistos en la politiko pri unu Ĉinio.