La 28-a de majo ĉi-jare estis la Drakboata Festo, tradicia festo de Ĉinio. Fariĝinte laŭleĝa ferio en 2008, la tradicia festo venigas la densan popolan kulturon.

La Drakboata Festo estas tago por memori Qu Yuan, ĉinan antikvan poeton antaŭ du mil jaroj. En la jaro 2006, la Drakboata Festo estis enlistigita kiel unu el la unuaj nemateriaj heredaĵoj, kaj post tio, oni restarigis ĝiajn originalajn kulturaĵojn. Manĝi zongzi-on (manĝaĵo el glueca rizo envolvita en bambuajn aŭ fragmitajn foliojn), fari drakboatan konkurson, kanti antikvan operon estas ĉefaj aktivadoj dum la festo.