La 17-an de junio ĉina prezidanto Hu Jintao kaj rusa prezidento Dmitry Medvedev, en Moskvo, faris interparolon kaj kune ĉeestis la kunvenon celebre al la 60-a datreveno de la establiĝo de la diplomatiaj rilatoj inter Ĉinio kaj Rusio.

Dum sia interparolado Hu Jintao emfazis, ke la ĉina-rusa strategia kunlabora partnereco havos pli belan estontecon, se la du landoj tenos la ŝancon kaj komplete profundigos la strategian kunlaboron.

Li akcentis, ke retrorigardinte la disvolvan vojon de la rilatoj inter la du landoj en la pasintaj 60 jaroj oni povas ricevi kvar inspirojn: unue, nur konfido kaj sincereco povas senĉese profundigi la politikajn rilatojn inter la du landoj; due, nur respekto, egaleco kaj reciprok-utilo povas realigi kunajn disvolviĝon kaj prosperon; trie, nur interkompreno, reciproka subteno kaj apogo unu sur la alia rilate al problemoj pri kernaj interesoj povas efike protekti proprajn fundamentajn interesojn; kaj kvare, nur la maniero serĉi komunajn punktojn kaj flankenlasi diferencojn povas garantii longtempan, sanan kaj stabilan disvolviĝon de la dulandaj interrilatoj.

Dmitry Medvedev diris, ke fronte al la internacia financa krizo la du landoj devas plifortigi la kunlaboron en la duflanka kaj plurflanka framoj kaj kune respondi al la defio de la financa krizo. Li emfazis, ke Rusio multe atentas disvolvon de la rilatoj kun Ĉinio kaj proponas profundigi la politikan kunlaboron, ekspansiigi la komercan kunlaboron, akcente disvolvi kunlaborojn inter diversaj lokoj, precipe inter landlimaj regionoj de la du landoj, intensigi la komunikadon kaj kunlaboron sur la internacia scenejo, plifortigi la kunlaboron inter regionaj kaj gravaj internaciaj organizoj kaj studi novan manieron de la kunlaboro.

Post la interparolo ili ĉeestis la ceremonion por subskribado de dokumentoj pri kunlaboroj inter la du landoj, kaj la du landoj publikigis komunan deklaron pri la interparolo inter la du ŝtatestroj.

Vespere de tiu ĉi tago en Kremlo la du ŝtatestroj ĉeestis la ceremonion de la premio por elstara kontribuo al la 60-a datreveno de la establiĝo de la diplomatiaj rilatoj inter Ĉinio kaj Rusio. Poste ili iris al la Nacia Teatro de Rusio por ĉeesti la kunvenon celebre al la 60-a datreveno de la establiĝo de la diplomatiaj rilatoj inter la du landoj.