He Yafei, ĉina vicministro de eksteraj aferoj, partoprenis en la unua akordiganto-kunveno de la Pitsburga Pinta Konferenco de Grupo 20 okazinta en Vaŝingtono la 30-31-an de julio.

Post profunda diskutado pri la nuna ekonomia kaj financa situacio, tendenco de estonta ekonomia kresko kaj aliaj temoj, ĉiuj flankoj unuanime konsentis plifortigi akordigadon kaj kunlaboron, kaj kune akceli la pozitivajn kaj efektivajn fruktojn de la Pinta Konferenco.

En la kunveno He Yafei emfazis, ke la Pitsburga Pinta Konferenco devas daŭre antaŭenpuŝi ĉiujn flankojn en plifortigo de akordigado de la politiko pri makroekonomio kaj en ĉiuflanka revigligo de la monda ekonomio; kaj samtempe devas aktive efektivigi la fruktojn de la Londona Pinta Konferenco kaj rapidigi la procezon de reformado de la internacia financa institucio por pliigi la reprezentantecon kaj novajn merkatojn de la evoluantaj landoj.