Mapo de la tuta luno fotita de Chang'e n-ro 1

Antaŭ nelonge Li Chunlai, ĉefprojektisto de la surtera aplika sistemo de la ĉina ĉirkaŭluna sondado, diris, ke ĉinaj sciencistoj akiris plurajn teknologiajn rezultojn per sciencaj donitaĵoj ricevitaj de la satelito Chang'e n-ro 1 dum la ĉirkaŭluna flugo en pli ol unu jaro.

Li Chunlai diris, ke Ĉinio ellaboris figuran mapon de la tuta luno, evidente pli bonan ol la alilandaj laŭ la donitaĵa amplekso kaj surfacaj trajtoj kaj detaloj de la luno; ĝi estas uzebla kiel la nova baza mapo de la luno.

Li Chunlai diris ankaŭ, ke ĉinaj sciencistoj kompletigos tridimensian diĝitan topografian mapon en la sekva monato, kaj ĝi estos la plej altdifina mapo de la tuta luno en la mondo.