La 13-an de aŭgusto Li Yizhong, ministro pri industrio kaj informa teknologio de Ĉinio, diris al amaskomunikiloj, ke produkto de la ĉina ferŝtala industrio superabundas je 190 milionoj da tunoj, kaj la superabundo de la ferŝtala produkto jam estas tre evidenta; la Ĉina Ministerio pri Industrio kaj Informa Teknologio prezentos kune kun koncernaj departementoj gvidan proponon pri fuziigo kaj reorganizado de ferŝtalaj entreprenoj por altigi la rendimenton kaj konkurencivon de la entreprenoj.

Li Yizhong diris ankaŭ, ke kiel plej granda ferminaĵa importanto en la mondo, Ĉinio devas posedi certan parolrajton en la internacia ferminaĵa komerco; la ministerio subtenas unuecan traktadon de koncernaj departementoj kun fremdlandaj komercistoj por redukti malordajn cirkonstancojn kaj senordajn konkurencojn.