La 21-an de januaro ĉina ĉefministro Wen Jiabao prezidis kunvenon de la Ŝtata Konsilantaro de Ĉinio. La kunveno ekzamenis kaj principe sankciis la planon pri reformado de kuracserva sistemo. Laŭ tiu ĉi plano, en la venontaj 3 jaroj la ĉina registaro investos por tiu ĉi reformado 850 miliardojn da juanoj (ĉ. 7 juanoj = 1 usona dolaro).

La kunveno difinis la celon de la reformado en la venontaj 3 jaroj: En la jaro 2011, la sistemo de la baza medicina garantiado kovros la loĝantojn de urboj kaj vilaĝoj. Tiam la kuraca kosto de la loĝantoj evidente malmultiĝos, kaj multe mildiĝos problemo pri malfacileco kaj multkosteco ekzistanta en la nuna kuracservado.

Por atingi la supre menciitan celon, la kunveno decidis, ke en la venontaj 3 jaroj, oni plenumu 5 reformadojn, inkluzive de akcelo de konstruado de sistemo de la baza medicina garantiado, starigo de la ŝtata baza farmacia sistemo, perfektigo de la sistemo de la baza kuracservado, akcelo de egaleco de la baza publika higiena servo kaj antaŭenpuŝo de reformado de la publikaj hospitaloj.