La 3-an de februaro ĉina ĉefministro Wen Jiabao revenis al Pekino post la vojaĝo al Eŭropo. En la pasintaj 7 tagoj li vizitis Svision, Germanion, ĉefstabejon de Eŭropa Unio, Hispanion kaj Brition kaj ĉeestis la jarkunvenon de Monda Ekonomia Forumo en Davos de Svisio.

Dum la vizito li interŝanĝis opiniojn kun gvidantoj de la supre menciitaj landoj kaj Eŭropa Unio pri la interrilatoj kaj traktado de la financa krizo. Ĉinio subskribis kun tiuj landoj kaj Eŭropa Unio 38 dokumentojn pri kunlaboro en teknika transigo, investado, komerco, kulturo, eduko kaj aliaj kampoj.