La 9-an de februaro Jiang Zengwei, ĉina vicministro pri komerco, diris en Pekino, ke Ĉinio ne efektivigos la planon pri "aĉetado de ĉinaj varoj ekskluzive", sed traktos same diversajn varojn, ĉu ĉinajn ĉu fremdlandajn, laŭ sia bezono.

Fine de januaro 2009 la Usona Ĉambro de Reprezentantoj aprobis la ekonomi-stimulan planon kun la kosto de 819 miliardoj da usonaj dolaroj, proponitan de Barack Obama, kaj laŭ unu el la aldonaj artikoloj de la plano, parto de la sava sumo estu uzata por aĉeti nur la usonajn varojn. Tio vekis maltrankvilon pri komerca protektismo. Raportisto demandis en la gazetara konferenco okazigita de la Informa Oficejo de la Ŝtata Konsilantaro de Ĉinio tiutage, ke Usono jam lanĉis la politikon "aĉeti usonajn varojn ekskluzive", ĉu ankaŭ Ĉinio observos similan principon por antaŭenpuŝi la enlandan postuladon? Jiang Zengwei respondis, ke estas ne efektivigeble, ke iu ajn lando kontentigu sian merkaton nur per siaj propraj produktaĵoj, sub la premiso de la monda ekonomia integreco; en la ĉina merkato pli ol 80% de la varoj estas produktitaj enlande kaj la ceteraj estas importitaj; Ĉinio traktas same diversajn varojn, ĉu ĉinajn ĉu fremdlandajn, laŭ sia bezono.