Intervjuate, s-rino Wang Yunxia, profesoro pri juroscienco el la Ĉina Popola Universitato kaj specialisto pri kulturaj heredaĵoj, diris en Pekino la 24-an de februaro, ke pro malsukceso de la leĝa proceso de akuzado pri aŭkciado de la du forprenitaj historiaj objektoj el la ĝardeno Yuanmingyuan de Ĉinio, koncernaj departementoj devas ilin revenigi per diplomatiaj rimedoj.

La 23-an de februaro laŭ la loka tempo, pariza loka juĝejo rifuzis la peton elmetitan de la Eŭropa Ligo pri Protektado de la Ĉinaj Artoj por fini la aŭkciadon de la du forprenitaj historiaj objektoj el la ĝardeno Yuanmingyuan fare de la kompanio Christie's, ĉar la franca juĝejo opiniis, ke la akuzanto ne povas reprezenti Ĉinion kaj ĝiajn publikajn interesojn. La kompanio laŭplane faros la aŭkciadon en la 25-a de februaro.

La du historiaj objektoj estis forprenitaj de la alianca armeo de Britio kaj Francio en 1860 el la ĝardeno Yuanmingyuan. En 1856 Brito kaj Francio kune lanĉis militon kontraŭ Ĉinio. La alianca armeo okupis Pekinon kaj forprenis multegajn historiajn objektojn el la ĝardeno Yuanmingyuan.