La 25-a de februaro estas la tibeta novjara tago laŭ la tibeta kalendaro. Okaze de tio multaj turistoj ĉinaj kaj alilandaj speciale vojaĝis al la Diqing-a Tibeta Aŭtonoma Regiono de Yunnan-provinco en sudokcidenta Ĉinio por persone sperti la gajan etoson de la festo. Antaŭvespere de la novjara tago de Tibeto en ĉiuj familioj de tibetanoj regis varma atmosfero de kantado, dancado kaj gastigado.

Belaj naturaj pejzaĝoj kaj mirindaj naciminoritataj folkloroj de la nomita regiono altiras al si multajn turistojn ĉinajn kaj alilandajn, kaj aparte menciindas Shangri-la, kiu ĝuas renomon en la mondo pro sia ĉarmeco.