La unua monatkunveno de esperantistoj ĉirkaŭ Pindong okazis la 3-an de januaro, 2009, en la kafejo Babisong en Pindong, Taiwan. Ĝin ĉeestis samideanoj Reza el Irano, Mario el Italio kaj aliaj 11 esperantistoj, inkl. de Ingrid kaj Flora de Taiwan, kiuj vojaĝis al Japanio por partopreni en la Japana Kongreso de Esperanto.

Mario el Italio kaj lia taiwan-a edzino estis ĉe la kunveno portempe. Unue ni legis la tekston de la gazeto "La Movado" el Japanio pri la 95-a Japana Kongreso de Esperanto kaj pri la vizito de Ingrid kaj Flora al la hiroŝima bazlernejo de Japanio. La teksto estis skribita en la japana lingvo, kaj enĉinigita de Saburos.

Due ni kune legis la Esperantan tekston de Fukumoto Hirotsugu pri la kongreso "Dankon al Ĉiuj", aperintan en La Revuo Orienta (en la numero de decembro, 2008). Ĉiuj ĉeestantoj havis la kopion de la artikolo. Abnego tuj interpretis ĝin en la ĉinan lingvon por kelkaj freŝaj E-komencantoj.

Trie ni kantis la kanton "Esperanto, la lingvo por ni" laŭ la melodio de "My Bonie lies over the ocean".

Post la kantado ni libere interparolis pri la vajaĝo de samideanoj Ingrid kaj Flora en Japanio, pri la lingvo internacia ktp.

La tri freŝaj kaj junaj E-komencantinoj montris sian intereson al Esperanto kaj volon lerni ĝin. Ili bone komprenas kaj parolas japane post du-jara lernado. Kun talento por lingvo, ili eble atingos ĝojigan nivelon baldaŭ.