En Brazilo oni multe uzas Esperanton ĉe la organizo Legio de Bona Volo (LBV), fondita en la jaro 1950. De tiam la organizo jam uzas Esperanton por aperigi librojn, gazetojn, paĝaron en interreto k. a. Krom tio LBV instruas la lingvon de Zamenhof en siaj lernejoj, diversaj konstruaĵoj, al kiuj la popolo iras por ricevi helpon kaj apogon.

Legio de Bona Volo naskiĝis antaǔ 59 jaroj en la urbo Rio-de-Janeiro, sed aktuale ĝi havas filiojn kaj branĉojn tra la mondo, en diversaj landoj, inkluzive de Usono, Portugalio, Argentino, Urugvajo, Paragvajo kaj Bolivio. LBV ĉiam prizorgas malriĉajn familiojn, oferante al ili diversajn bezonatajn helpojn. Miloj da infanoj ĉiutage iras al LBV por ricevi edukon kaj prizorgon.

La uzado de Esperanto en LBV okazas ankaǔ ĉe la granda Piramido, Templo de Bona Volo, la multe vizitata monumento en la ĉefurbo de Brazilo. La templo estas ekumena kaj akceptas ĉiutage vizitantojn el diversaj landoj. Ene de la Piramido estas multaj ĉambroj por diversaj kialoj, ekzemple la ĉambro tiel nomata Art-Galerio, kiu akceptas artistojn el la tuta mondo. Estas muzeoj, ĉambro por muzik-prezentado, k.a.

Speciala ĉambro de Piramido de LBV kie turistoj ripozas kaj meditadas

Al ĉiuj kiuj volas viziti Brazilon, povas kontakti LBV kaj ĝi certe helpos turistojn pri akceptado kaj gvidado en Brazilo.

Alia punkto tre grava pri LBV, temas pri tio ke ĝi reprezentas Latin-Amerikon ĉe la Ekonomia Konsilantaro de Unuiĝintaj Nacioj.

La prezidanto de LBV estas s-ro José de Paiva Netto, fama verkisto kaj ĵurnalisto, kiu multe subtenas Esperanton. Li diris: "Ni devas labori kune por la konstruado de pli bona mondo."

Se vi volas pli da informoj pri LBV, bonvolu viziti la retojn: <http://www.bonavolo.com/>, <http://www.paivanetto.com.br/>, <http://www.tbv.com.br/>

(Paulo Cesar Pereira)