| 2009-04-22 de HU XING
Laŭ la plej nova donitaĵo de la dua agrikultura enketado de Tibeto, en la pasintaj jaroj pliboniĝis la loĝkondiĉoj de tibetaj kamparanoj kaj paŝtistoj, kaj 98.7% de ties familioj posedas sian loĝdomon.
Laŭ tiu donitaĵo, la pofamilia loĝareo de la tieaj kamparanoj kaj paŝtistoj estas 172.6 kvadrataj metroj, kaj la pokapa -- 30.7 kvadrataj metroj. Inter ili, 371.9 mil familioj, kiuj konsistigas 91.1% de la totala familiaro, posedas unu loĝejon, kaj 25.9 mil familioj, kiuj konsistigas 6.3% de la totala familiaro, -- du loĝejojn, kaj pli ol 5.4 mil familioj, kiuj konsistigas 1.3% de la totala familiaro, -- pli ol 3 loĝejojn.
Nun Tibeto integrias la monsumojn el la financo, socio, popolo kaj helpado al Tibeto por plenumi gravajn projektojn, inkl. de domo-rekonstruado por kamparanoj, fiksloĝiĝado de nomadoj kaj transloĝado favora al malriĉuloj. La registaro de la Tibeta Aŭtonoma Regiono subvencias per 10000-25000 juanoj (ĉ. 7 juanoj = 1 usona dolaro) ĉiun familion konforman al koncernaj kondiĉoj. Krome, ankaŭ ĉiuj urboj kaj gubernioj aktive monkolektas por subteni kamparanojn kaj paŝtistojn en konstruado de fiksloĝejoj.
Qiangba Puncog, prezidanto de la Tibeta Aŭtonoma Regiono, diris en la dua sesio de la 9-a Popola Kongreso de Tibeto, ke en 2008 Tibeto disponigis 680 milionojn da juanoj por solvi la problemon pri loĝado de 57.8 mil familioj kamparanaj kaj paŝtistaj, kaj 312 mil paŝtistoj enloĝiĝis en sekurajn loĝejojn. |
