| 2009-04-29 de YI JUN
|
 |
| Modelo de la Ĉina Pavilono |
Por ĉiuj Mondaj Ekspozicioj, la ekspona halo de la gastiganta lando ĉiam estas alloga. La Ĉina Pavilono de la Ŝanhaja Monda Ekspozicio (ŜME) ne nur enkorpigos la nacian spiriton kaj ideon de Ĉinio, sed ankaŭ estos grava parto de ŜME. La Ĉina Pavilono konsistas el la nacia halo kun areo de 20 mil kvadrataj metroj, la loka halo kun areo de 30 mil kvadrataj metroj kaj la Hongkong-a kaj Makao-a halo kun areo de 3 mil kvadrataj metroj.
|
 |
| La Ĉina Pavilono en konstruado |
La temo de la ĉina nacia halo estas “Ĉina saĝeco en urba disvolvo”. Ĝia formo aspektas kiel antikva ĉapelo, tial ĝi portas la nomon “Orienta Ĉapelo”. Ĉi tiu konstruaĵo alta je 63 metroj havas densan koloron de la ĉina arkitekturo kun leviĝanta firsto kaj elstaraj aleroj. La supro de la konstruaĵo areas 140 m X 140 m, kaj la prilumaj ekipaĵoj estas funkciigitaj per sunenergio.
|
 |
| Gardanto de la konstruejo |
En februaro kontinue pluvis en Ŝanhajo, sed tio neniom malhelpis la konstruadon de la ĝardeno de ŜME. En la konstruejo, mi vidis rudimenton de la Ĉina Pavilono. Respondeculo de la konstruejo diris, ke la pavilono estis tegmentita en decembro 2008. Nun oni pripentras la murojn kaj eksteron. Antaŭ nelonge, 6 grandaj fritigaj ĉefmaŝinaroj estis sukcese instalitaj.
|
 |
| Konstruejo de ŜME |
Por rapidigi la konstruadon, la laboristoj alprenas triskipan sistemon, ke la konstruado ne haltu dum la 24 horoj. La tieaj laboristoj venis el diversaj lokoj de la tuta lando. Zhu Huoshui el Anhui-provinco diris al mi, ke li jam laboris ĉi tie almenaŭ unu jaron. Kaj tiu laboro en la ĝardeno multe ŝanĝis lian familian vivon. “Tie mi gajnas ĉiutage 100 juanojn (ĉ. 7 juanoj egalas al unu usona dolaro) kaj mia edzino laboras en najbara fabriko. Ni povas renkontiĝi en feriaj tagoj kaj enspezas nemalmulte monate. Ĉi-jare ni konstruis por ni du-etaĝan domon per 50-60 mil juanoj en la hejmloko.” La pavilono estos finkonstrita septembre de la kuranta jaro, tiam Zhu Huoshui kaj liaj kolegoj devos forlasi la ĝardenon. Zhu Huoshui diris: “Pensante pri forlaso de la ĝardeno, mi sentas grandan bedaŭron. Tamen mi ne forlasos Ŝanhajon, mi jam enamiĝis al la urbo.”
|
 |
| Zhu Huoshui |
En majo de 2010, ŜME prezentos al la tutmondaj popoloj profundan enhavon de la temo “Bela Urbo, Bela Vivo”. Nun la tieaj laboristoj, kia Zhu Huoshui, jam spertis la vivŝanĝon alportitan de ŜME al ili. | 
